#光影中得温情时刻#
我去寻野生栗子，倷爹讲勿要去，刺棚窠里刺戳杀。
我讲，我囡头要吃，我寻来拨大家吃，侬老头子也要吃。
倷爹讲，哪里吃了会成仙啊？
侬看勿会讲话得人，好端端一句闲话，拨伊讲得粉破。
我会讲话得人，会说，好格要吃格，吃了会成仙格，噶讲么，别人听了多少舒服来。
隔壁麽麽，看到我寻来噶多野生栗，眼馋了，也要去山里寻。
我路上碰到伊，伊背着茶篮，掼着锄头。我讲，侬路也走勿动来，我分侬一碗好来，去柴山窠里，刺棚多，人都难钻进去，勿好背茶篮。
伊回转，换了一只布袋去。半日回来，布袋扁塌塌，寻了一斤勿到。
侬大嫂嫂也去寻，钻进去老半日，回勿出来，路寻勿着，要死勿要死，伊讲是“鬼打墙”了。
我送了一碗栗子给隔壁麽麽，伊还回来一串葡萄。伊做人，从来勿想白吃人家。
我手里刺戳满了，囡头快来，帮我挑刺，栗子无得白吃。
老妈采得野山栗
